ACCJSU chuan, Cess chungchanga sawrkar kan ngenna kan ngaihtuah ho a, October ni 9 leh ni 10, 2025 a Mizoram College zirlai zawng zawngte chawl tura kan ngenna chu sawrkar lam atanga thu lawmawm kan dawn tak avangin thulh/ sut leh a ni tih ACCJSU chuan kan inhriattir, an ti.

"Chutihrual chuan cess chungchanga sawrkarin sum hman dan a thliar dan kawngah  Higher & Technical Education department lam hi telh belh ni se tih relin, heti ang hian a hmanna tur siam rem nise tiin sawrkar chu ACCJSU-te chuan an phut a ni," an ti a.

ACCJSU thil phutte hi- College lam chan tur chhung atangin State Matching Share (SMS) do letna tiam loin, College-te'n an mamawhna apianga an hman atan 25% of total Cess Collection a ni tur a ni.

State Matching Share (SMS) atan sawrkarin dah tam a duh a nih chuan 25% aia sang, a tul angin duh leh 30% emaw, 40% emaw, a duh zat % kha College Education atan a dah mai tur a ni.

ACCJSU chuan, College te tana total share % kan buai lo a; mahse, College ten an hman tur State Matching Share (SMS) tiam loin, 25% tal dah a ni tur a ni, an ti.

"Kan ngenna te min ngaih pawimawh sak lo a nih chuan a tul angin hma kan la zel dawn a, ACCJSU chuan sawrkar hmalakna kan vil zui zel ang,'' tiin thuchhuah an siam.